1.മഴ
മഴ വന്നു തുറക്കുന്നു
വെയില്‍ ചാരിയ ജാലകം,
കുടയെടുക്കാതെ പോയാലും നനയില്ല,
എനിക്ക് നിന്‍റെ വീടറിയുമല്ലോ
എന്നോരോര്‍മ്മ തളിര്‍ക്കുന്നു.
2.വെയില്‍
വെയില്‍ വന്നു നോക്കും,
വിരല്‍ തൊടും,
എന്നേക്കാള്‍ പനിയ്ക്കുന്നിവള്‍ക്കെന്നു
പതിയെ പടിയിറങ്ങും.
മഴയില്‍ വിട്ടു പോന്ന നിറമുള്ള
വഞ്ചികളെ ക്ലാസ്സു മുറിയിലിരുന്ന്
അവളിപ്പോള്‍ ഓര്‍ക്കുന്നുണ്ടാവണം.
ഉള്ളില്‍ ഉണ്ടായിരുന്ന ഉറവ,
ഒളിച്ചു വെച്ച ഒരു മുളയുടെ നാമ്പ്,
ചിരകിയെടുത്ത വെളുത്ത ഹൃദയം
ഇത്രയും പോരെ,
എന്നെ ഏറ്റവും നല്ല കനലാക്കാന്‍?
© Blogger template 'Photoblog II' by Ourblogtemplates.com 2008
Back to TOP